هذا الزلمة المنتسب هو من محافظة النجف 
يگول قبل 16 سنة جاي اتمشى وشفت هذا الرجال الكبير بالسن نايم على الرصيف 
گتله اهلك وين وليش انت هنا وهو ما يحچي مريض 
بعدها يگول اني أخذت الرجال وخليته يمي بالكرفان واني صرت اله سند 
يگول اني اللي أوكله واني أسبحة واني اللي اخذه و اعالجة عند الطبيب وما عفته ولا يوم وعاملته مثل ما أعامل والدي 
يگول خطية هذا الرجال مسكين لا يشوف ولا يگدر يمشي رجل مقعد ومريض ..
يعني انتم تخيلوا 16 سنة وهذا المنتسب يخدم بهذا الرجال دون ملل ولا فكر يعوفه يوم واحد !
يعني هم يخدم الوطن وهم يخدم عائلة وهم متكفل بهذا الرجال الكبير اللي اهله شمروا بشوارع النجف بسبب مشاكله الصحية وكبر سنة !!
يا ابن النجف وابن قيادة شرطة النجف هنيًا لك #الجنة